IGUANA, ATBP.

Iguana     

Sa biglang pagsulpot ng iyong ulo

At sabay hatak sa katawan

Isang tili ng pagkagulat

Sapat na para ikaw´y tumakbo.

Usa      

Mahinhin at mapupungay na mata

Malalim na pakikipag-ugnayan

Marahan na kilos

Maamo subalit mailap rin.

    
Ibon

Malaya ang iyong paglipad

Habang umaawit at umiindak

Sa damyo ng bawat hangin

Kalayaan at kaligayahan ay hatid.

Paru-paro     
Iba`t-ibang kulay
May dalang balita
galak at lumbay
Sa kanyang pagbisita.