sa pisngi ng m'la bughaw na langit
at ang alon ay nagsimulang sumaliw
sa duyan ng mapaglarong hangin...
.... mamaya-mam'ya'y rumaragasa
langkay ng batang saya'y di maikubli
at nagpasimulang magtampisaw
maglaro't maghabulan sa buhanginan.
kasabay ng indak ng mga alon
ay bangkang pumalaot sa karagatan
mangingisdang puno ng pag-asa
yaman ng dagat, dala'y kal'walhatian...
... unti-unting nilamon ng kadiliman
pisngi ng langit, naglaho sa paningin
hapyo ng hangin, naglagos sa kalamnan
nagbadya sa pagtatapos ng isang yugto.
